Міжнародны дзень роднай мовы. Родная мова, цудоўная мова...
Родная мова, цудоўная мова!
Ты нашых думак уток і аснова!
Матчын дарунак ад самай калыскі, −
Ты самацветаў яскравая нізка.
Кожны з іх барвы дзівосныя мае,
Вечным агнём зіхаціць – не згарае.
Ты мне заўсёды была дапамогай,
Дзе б і якой не хадзіў я дарогай.
У. Дубоўка
<font face="times new roman, times, serif"> </font>21 лютага у нашай установе прайшоў Дзень беларускай мовы. Педагогі дашкольнай установы запланавалі і правялі шэраг мерапрыемстваў, галоўная мэта якіх далучэнне выхаванцаў і іх бацькоў да багацця беларускай мовы, фарміраванне каштоўнасных адносін да яе.
Так, ужо раніцай пятніцай дзеці і бацькі сталі ўдзельнікамі акцыі “Гавары са мной па-беларуску”. Вялікую цікавасць у выхаванцаў 4-5 гадоў вызвала літаратурнае падарожжа "Па старонках любімых казак". Разам з казачнымі героямі дзеці адгадвалі загадкі, падбіралі прыказкі і прымаўкі да ілюстрацый літаратурных твораў.
Выхаванцы старэйшай беларускамоўнай групы №8 слухалі беларускія народныя казкі. Дзень беларускай казкi паспрыяў фармiраванню ў дзяцей дашкольнага ўзросту цiкавасцi i cтаноўчых адносiн да нацыянальнай мовы, развiццю элементарных навыкаў зносiн на беларускай мове.
Выхаванцы сярэдняй спецыяльнай группа разам з бацькамі падрыхтавалі малюнкі беларускіх народных казак.
Педагогі - карэспандэнты правялі ранішняе інтэрв’ю з бацькамі (“Ці ведаеце Вы, якое сёння свята?”, “Як Вы лічыце, ці павінен чалавек ведаць родную мову?” і інш.). Аказалася, што большасць бацькоў ведалі аб свяце і згодны былі далучыцца да прапановы ўстановы: размаўляць па-беларуску.
Размаўляйце, чытайце казкі сваім дзецям на беларускай мове! А мы вам у гэтым дапапожам.
